Тэврээд үлдээгээч...

Би явах гэж байна хайрт минь
Болзоонд дахиж ирэхгүйгээр одох гэж байна
Эргэж харалгүйгээр эндээс зугтах гэж байна
Эргэлзээд зогсож байхаар зүгээр л намайг
тэврээд үлдээгээч

Чамаас салах гэж байна хайрт минь
Чиний хүйтэн хайраас татгалзаж байна
Дахиж уулзахгүйгээр холдох гэж байна
Дуугүй зогсож байхаар зүгээр л намайг
тэврээд үлдээгээч

Халамжгүй сэтгэлийг чинь үзэн ядаж байна
Хариугүй мессежийг чинь хүлээсээр удаж байна
Хайртай болохоороо чамаас би гэвч хагацмааргүй байна
Хараад зогсож байхаар зүгээр л намайг
тэврээд үлдээгээч

Салаа замын уулзвар дээр би зогсож байна
Сална салахгүй гэсэн хоёр чиглэл байна
Сэтгэлдээ нулимстай салах чиглэлийг сонгож байна
Санаашраад зогсож байхаар зүгээр л намайг
тэврээд үлдээгээч

Зүрх минь чиний төлөө удаан шаналж чадахгүй нь
Зөөлөн уруулыг чинь удаан хүлээж чадахгүй нь
Завгүй хайрыг чинь удаан санагалзаж чадахгүй нь
Цөхрөөд зогсож байхаар зүгээр л намайг
тэврээд үл......

......
......
......

Тиймээ баярлалаа
Тэврэлт чинь халуун байна
Үлдэнээ би
Үүрд үлдэнэ хайрт минь ...

Ертөнцийн Дөрвөн Сайхан

Хаялах цасанд үнсүүлээд алхах сайхан
Хаврын бороонд үнсүүлээд гүйх сайхан
Хайртай залуудаа үнсүүдээд тэврэх сайхан
Хамгийн гоё нь Ээждээ үнсүүлээд эрхлэх сайхааан гэж..

Ээждэээ мааш их хайртай..

Хайр байсан...

Анхны харцаар чамд дурлаад
Араас чинь харан хоцрохдоо
Анхаарахаа больсон бусад хүмүүсийг
Анзаарахаа ч больсон орчлон хорвоог

Чамтайгаа анх дуугарч үзээд
Чаас улаан хацартай бучахдаа
Чичрэн догдолж байсан юм тэр мөчид
Чанга орилоод нисчихмээр л байсан юм шүү

Чамтай л уулзах гэж би сургууль руугаа яардаг байлаа
Чамд л харагдах гэж би бүтэн цаг тольддогсон
Чамаас л халамжийг мэдрэх гэсэн өөрийгөө би зүхсэн
Чамаар л хайрлуулах гэсэн сэтгэл зүрхээн би өрөвдсөн

Удаан чамайг харж хүлээж явсаан
Улаахан уруулыг чинь амтлахыг хүсдэг байсан
Ухаан жолоогүй дурлачихсан байсийм
Утга учиргүйн дунд мөрөөдөн ниссээр байсийм

Олон жил ард нэгэнт хоцорчихжээ
Одоо чи хэн ч бишээ
Оюутан насны минь гэгээн дурлал байсан
Ондоо хүн түрүүлээд надад хайраа илчилчихсэн

Хожимдсон хойно нь чи ирээд
Хайртай байсан штээ би чамдаа гэж
Хэлсэн үг чинь дэндүү оройтож
Хэлээд хэрэггүй байсан юм даа наад үгээ...

Дөрвөн мөртүүд..

Хайрлана гэсэн чинь худлаа байсан тиймээ, мэдсийм..
Хамтдаа байна гэсэн чинь үлгэр байсан тиймээ, анзаарсым...
Хүний хүн рүү шунадаг байсан тиймээ, харсым..
Хагацъя хоёулаа гэсэн чинь үнэн байсан тиймээ. итгээгүйм... (18.06.08)


Хүсээгүй энэ хайрыг үзэн ядаж байна
Хүйлээд сугалаад гаргачих юмсан зүрхнээсээ
Хорсож шархдаад өвдөнө л биз тэр зүрх
Хайрлаж шаналахаас хамаагүй дээр... (16.06.08)

Жижкээн шүлэгнүүд.

Дурлалын далайд нэгэн хөлөг онгоц
Давалгаанд нь цохигдон ийш тийш шидэгдсээр
Дурлуулсан нэгэн нь тэр өрөвдөлтэй онгоцыг
Татаад аваачдээ гуйя, тэр живэх нь...

Хайртдаа үнсүүлсэн хацраа зуун жил арчмааргүй
Хүлээн суудаг сандлаасаа мянган жил босмооргүй
Хайртай байдаг сэтгэлээ сая жил мартмааргүй
Хүсэн хүлээснийхээ тоогоор үүрд чамаас холдмооргүй...

Хөөрхий зайлуул :P

Gantshan tuuniigee dulaatsuulaad bid 2 hamdtaa
Garaas ni salahgui tawihgui bainga derged ni
Gutarsan uyd chini nulimsiig chini archdag baisan
Gurwan sariin tursh chiniihee hoorhon garnaas salaagui

Owol bolj tsagaahan tsasnaar bas l 2uulhnaa
Ooroos chini oor hun nadad bhgui, bi zowhon chamtai
Odorjingoo gaduur neg negnee dulaatsuulan alhana
Ono monhod ingeel hamt baihsan daa hairt mini


Tsas negent orohoo bolij owoliin tsag uliran ongorohod
Tselmeg tengerees naran haluunaar eegeed ehelchihej
Tsewdeg huiten ch gesen bi owliin ulirald durtai
Chiniihee hajuud baih gants bolomj bolohoor l bi durtai

Hawriin uliral bolj chi mini namaigaa orhiod odloo
Helj chadahgui bolohoor bi chini gansarsan setgelee tewcheed
Hairt chiniihee hoinoos duuguihen haraad hotsrohdoo
Horwoo yertonts deer beelii bolj torsondoo uneheer ih gomdsonson...
(28.06.08 BonBon)

Хүний нутгаааа гэж...

Салхи сэвэлзэн бороо шиврэнэ
Санаашран би өдрийг өнгөрөөнө
Сэтгэлийн гүндээ Монголоо яасан ихээр
Санаж байгааг хэн ч үл анзаарна

Гудамжаар би алхлаа ганцаараа
Гунигтай ч гэлээ нууцхан жаргалтай
Гутрахгүй ээ тэмцэнэ би чадна
Гундахгүй ээ хичээнэ би харуулна

Өдөр болгон яг л адилхан урсана
Өглөө сэрүүлэг дуугарна би босно
Өөрчлөлт байхгүй ийм амьдралыг
Өрөвдмөөр ч юм шиг, үгүй ч юм шиг

Тиймээ тэд эелдэг сайхан ааштай
Тэр инээмсэглэл нь ч бас хоосон хүйтэн
"Танд баярлалаа өдрийг сайхан өнгөрөөгөөрэй"
"Талархлаа та ч бас" улиг болсон харилцан яриа..

Kuss ohne Liebe

Хар зангиатай байсан тэр залуу
Хюүго Боссын ус ханхлуулсан байсан
Харц булаам царайлаг залуу
Хажууд минь ирэн надтай бүжиглэсэн

R&B, Hipaap, Electro аяс
Ар араасаа цувран доргиож байлаа
Нүдээ анин хөгжмийн хэмнэлд
Нөгөө хэдэн хөдөлгөөнөө хийж байлаа

Бэлхүүсээр минь орж ирсэн чиний гар
Бүх л биеийг минь соронздох шиг болсон
Бүжгийн талбайн яг дунд
Бие биендээ уусан бүжиглэж байлаа

Чиний бүжгийн хэмнэл гайхалтай
Чимээгүйхэн тэр бүхэн чинь намайг эзэмдчихсэн
Үсийг минь илэнгээ нүд рүү минь хараад
Уруул дээр минь зөөлхөн үнсчихлээ одоо би яанаа

Энэ үнсэлт сэтгэлийг минь сэргээсэн
Эелдэг даруухан үнсэлт байсан
Гайхалтай байсан яг л зүүд шиг
Гэхдээ энэ зүүдийг би үргэлжлүүлэхийг хүсээгүй, баяртай.. (Bonbon 19.10.08)

Согтсонгүй..

Хундага дарсыг шимж уугаад ч би согтсонгүй

Хар чингисээс гурав татаад ч согтсонгүй
Хар сарнайн анхилам үнэрт ч согтсонгүй
Хийлийн аяс. төгөлдөр хуурын эгшигэнд ч согтсонгүй
Хайрын уянгат дууг өдөржин сонсоод ч согтсонгүй

Харин ганцхан чамайг хараад л тасарчих нь тэр...
(Bonbon 17.10.08)

Дурлахгүй...

Найзууд байсаан хоёулаа гоё найзууд
Нандин нууцаа би чамд чи надад ярьдаг
Хажууд чинь би зөвлөгч
Харин ч миний хамтрагч
Өөр охидтой байхад чинь харамлаад л
Өөрийнх биш хэрнээ нууцхан бухимдаад л
Тэгсэн мөртлөө би чамд дурлаагүй
Тэвэрч үнсүүлж эрхэлмээр санагдаагүй
Хоёуланг нь хүмүүс хосууд гэж шивнэлддэг
Хамаагүй тэр ярианд нь дасчихсандаг

Нэг л өдөр харин чи надад дурласанаа хэлсэн
Насан туршдаа би тэр үгнээс чинь зугтааж байсан
Дотно найзууд биз дээ бид 2 чинь ингэж болохгүй
Дурлалт залуугаараа би чамайг хүлээж авч чадахгүй нь
Тэр үеэс хойш бидний дунд боссон тэр том ханыг
Түлхэж унагааж хэн нь ч дийлээгүй
Битүүхэн дотроо чамайг санадагсан
Болсон бүхнийг мартмаар байдагсан...

Хоёр жил биднийг орхин оджээ
Хөөрхөн алаг хүүтэй болжээ чи минь
Ханилсан бүсгүй чинь яасан ч хөөрхөн юм
Хэлээгүй ч гэсэн тэрүүхэн тэндээ атаархсан юм
Найзын сэтгэлээр дахин чамтайгаа уулзаж
Наргиж цэнгэж хуучнаа дурсацгаав
Гэрт минь хүргэж өгөхөд би буцаад л сайн найз чинь болсон
Гайтай юм шиг нөгөө түүхийг чи юунд сөхөвдөө

Одоог хүртэл би чамд хайртай
Ондоо хүнийг хайрлаж чадахгүй
Чи л надад маш нандин байдаг
Чамаас бусад нь хэрэггүй гэлээ

Тэнэг амнаас чинь энэ хэдэн өгүүлбэр
Түгдрэн байж гарч ирэхэд
Нөгөө л нэг том хана гэнэт баригдчихав
Нууцхан хадгалаад өөртөө үлдээсэн бол дээр байсан юм
Эхнэрийн чинь царай, хүүгийн чинь инээд нүдэнд үзэгдэж
Эр хүн чамайг би тэр л үед үзэн ядсан бас өрөвдсөн...

Хаая нөхдөө

Зиак энэ блогт орж ирээд уншиж байгаад талархжиноо хихи. Энд ерөнхийдөө өөрийн зохиосон шүлгүүдээ, зохиож чадвал өгүүллэггүүдээ тавина л гэсэн төлөвлөгөөтэй байна даа. Бас бичсэн болгон надад тохиолдсон зүйл биш шүү хүнүүс андуураад байна лээ :D. За миний шүлэг хичнээн цаг хугацааг туулж баяр гуниг, жаргал зовлонгийн алийг нь танд авчрахыг би, Балхаа ах бид 2 тааашгүй ээ....