Dumped..

Даанч чи хайрыг минь даагаагүй одлоо
Дэндүү ихдсэн юм байлгүй орхиод явлаа
Дэрэндээ нулимсаа шингээн шөнөжин уйллаа
Дууссан гэдэгт итгэж ядан өөрөөсөө асуулаа

Тэгэхэд чи яг ханхүү шиг л байдагсан
Тамаас над руу илгээсэн чөтгөр гэдгийг анзаараагүй
Тэр олон амлалтуудад чинь баярладагсан
Тэнэг болохоор би ганцаар үлгэрт итгэсэн

Цугтаа байсан мөчүүдээ баллуурдаад арилгачихая
Цуглуулдаг байсан дурсамжуудаа тархинаасаа устгачихая
Цүнхэнд минь явдаг чиний өлөн зургийг ураад хаячихая
Цуурч шархалсан зүрхээ эм уугаад идгээчихэе

Хажууд чинь одоо дөхмөгц бие минь арзасхийнэ
Халтар царай чинь үзэн ядалтыг төрүүлнэ
Хуурмаг инээд чинь нүдийг минь бузарлана
Хайртай байсандаа харамсан өөрийгөө эцэст нь зүхнэ...